LEXO PA REKLAMA!

SHKARKO APP

Ekskluzive/ PD protestë pas skandalit të Ramës me FBI

24 Janar 2023, 19:15, Aktualitet CNA
Ekskluzive/ PD protestë pas skandalit të Ramës me FBI
Zyrtari i arrestuar i FBI-së, Charles McGonigal dhe kryeministri Edi Rama

Opozita e drejtuar nga Sali Berisha dhe Ilir Meta pritet të zhvillojnë një protestë kombëtare.

Burime bëjnë me dije për CNA.al se afati nuk është përcaktuar ende, por pritet në javët e para të shkurtit.

Berisha dhe Meta po diskutojnë datën menjëherë pas skandalit që ka plasur për hetimin dhe arrestimin e zyrtarit të FBI-së, Charles McGonigal dhe lidhjet e tij me kryeministrin Edi Rama.

CNA ka mësuar se protesta do të mbahet në bulevard, por ajo do zhvillohet pasi të denoncohet fort skandali i ndodhur në SHBA.

Kujtojmë se pas zbulimit të skandalit për bashkëpunim me rusët, deklarim të rremë dhe pastrim të parave të pista, që vuri në pranga zyrtarin e FBI-së, opozita ka denoncuar lidhjet e tij me kreun e qeverisë shqiptare.

Opozita pretendon se Rama ka korruptuar Charles McGonigal dhe e ka përdorur atë për hetime kundër opozitës në SHBA.

Për lidhjet e kryeministrit me zyrtarin e FBI-së, kryetari i PD-së Sali Berisha ka kërkuar ngritjen e një komisioni hetimor.

Nga ana tjetër, vetë Rama mohoi të ketë lidhje me akuzat që janë ngritur ndaj Charles McGonigal./ B.A. - CNA.al

Lajmet e fundit nga