LEXO PA REKLAMA!

SHKARKO APP

App Store
Google Play

Çështja 'Beleri'/ Baton Haxhiu përplaset me Çim Pekën: Po flet jashtë logjikës

19 Shtator 2023, 12:13, Aktualitet CNA

Çështja 'Beleri'/ Baton Haxhiu përplaset me

Çështja "Beleri" ka nxitur debate mes Baton Haxhiut dhe Çim Pekës.

Baton Haxhiu tha se arrestimi dhe kandidimi i Fredi Belerit ka krijuar një problem etnik dhe madje e quajti gabim arrestimin e tij.

Por një gjë e tillë është kundërshtuar nga Peka, i cili e krahasoi qëndrimin e Haxhiut për të drejtat e minoritetit serbe në veri të Kosovës dhe të drejtat e minoritetit grek në Himarë.

Haxhiu i tha Pekës se po flet jashtë logjikës.

Pjesë nga debati:

Baton Haxhiu: Arrestimi dhe kandidimi i Fredi Belerit ka krijuar një problem etnik. Ishte gabim arrestimi i tij, që sollën krizën e pashmangshme. Greqia është i vetmi vend që nuk pranon etnitë, është vend që nuk i jep të drejtën për të folur askujt tjetër. Nga grup avokatësh të një vendi tjetër që vjen këtu për të folur për të drejtat e njeriut, duhet të ketë minimumi një kod moral që ata nuk e respektojnë.

Çim Peka: Ju keni shprehur në këtë studio shqetësimin për të drejtat e minoritetit serbe në Veri. Të cilat nuk janë kurrsesi më pak se të drejtat e grekeve në Shqipëri. Atëherë pse je kaq i shqetësuar për minoritetet serbe dhe nuk ke asnjë shqetësim për grekët në Shqipëri?

Baton Haxhiu: Po flet jashtë logjikës, apo hajt të them diçka.

Çim Peka: Nga ti nuk e pres këtë koment, nga të tjerët po.

Baton Haxhiu: Unë në dallim nga ti e kam një koherencë mendimi. Unë them që sebëve duhet t’u jepet e drejta e tyre, ashtu si edhe grekëve, si çdo minoritet.

Çim Peka: Në këtë studio ke deklaruar që në Veri shkelen të drejtat e minoritetit serb, por asnjë kryetar komune nuk është arrestuar. Arrestohet kryetari i minoritetit grek në Shqipëri, e na bën këtu analizë dhe histori. Më thuaj është gabim apo nuk është gabim?

Baton Haxhiu: Me shumë mundësi ke fol në telefon dhe nuk më ke dëgjuar fare se çfarë kam folur./ CNA

Lajmet e fundit nga