LEXO PA REKLAMA!

SHKARKO APP

App Store
Google Play

Kërkon ndryshim të masës së sigurisë/ Sot seanca në Apelin e GJKKO për Belerin, prezente ambasadorja greke

18 Shtator 2023, 09:53, Aktualitet CNA
Kërkon ndryshim të masës së sigurisë/ Sot seanca
Foto ilustruese

Sot pritet të mbahet seanca gjyqësore në Apelin e GJKKO-së për kryebashkiakun e zgjedhur të Himarës, Fredi Belerin.

Ai ka kërkuar ndryshimiin e masës së sigurisë. Në Gjykatën e Posaçme kanë mbërritur ambasadorja greke, Kostandina Kamitsi si dhe kreu i PBDNJ-së Vangjel Dule.

GJKKO kaloi për gjykim çështjen e Beleri në 14 shtator, ku prokurorët deklaruan se provat mbështesnin akuzën e ngritur ndaj tij, ndërsa nga ana tjetër avokati mbrojtës i Belerit kërkoi pushimin e çështjes me pretendimin se provat janë të paligjshme.

Beleri u arrestua dy ditë përpara zgjedhjeve vendore të 14 majit dhe akuzohet për shitblerje të votave.

Kryebashkiaku i zgjedhur i Himarës, e ka quajtur arrestimin e tij një sulm politik, ndërsa nga Athina ka patur reagime shumë të ashpra në lidhje me mbajtjen e Belerit në paraburgim.

Sipas tyre Shqipëria po cënon të drejtat e pakicës kombëtare dhe nëse vazhdon të mbajë këtë qëndrim do të ndikojë tek marrëdhëniet mes dy vendeve fqinje.

Nga ana tjetër pak ditë më parë, DASH reagoi duke thënë se çështja duhet të shqyrtohet sipas ligjeve të vendit./ CNA

 

Lajmet e fundit nga