LEXO PA REKLAMA!

SHKARKO APP

App Store
Google Play

Megaoperacioni antidrogë/ Meta: Përpjekje për të shmangur lajmin për arrestimin e ish-këshilltarit të Xhaçkës

18 Shtator 2023, 17:35, Aktualitet CNA

Megaoperacioni antidrogë/ Meta: Përpjekje për të shmangur

Kreu i Partis së Lirisë, Ilir Meta tha se megaoperacioni ku u kapën mbi 200 shpërndarës dhe përdorues të lëndëve narkotike ishte përpjekja për të shmangur një lajm të rëndësishëm, arrestimi Amant Josifit, ish-këshilltari i ish-ministres së mbrojtjes dhe ish-partner i vëllai të kryeministrit.

Sipas Metës, atë që nuk mund ta bëjë drejtësia e shteti i kapur nga Edi Rama e bëri drejtësia spanjolle.

Kjo sipas tij tregon kush është I lidhur me nivelet më të larta gëzon anashkalimin e drejtësisë dhe të institucioneve.

“Ishte një lajm pozitiv aksioni për kapjen e personave shpërndarës të drogës. Ajo që ishte interesante ishte përpjekja për të shmangur një lajm të rëndësishëm, arrestimi nga autoritetet spanjolle i ish-këshilltari i ish-ministres së mbrojtjes dhe ish-partner i vëllai të kryeministrit për një aferë skandaloze të përmasave 2.4 miliardë euro ku epiqendra e këtij aktiviteti ishte Shqipëria dhe roli kyç që kishte pasur ky individ. Atë që nuk mund ta bëjë drejtësia e shteti i kapur nga Edi Rama e bëri drejtësia spanjolle. Kjo tregon kush është I lidhur me nivelet më të larta gëzon anashkalimin e drejtësisë dhe të institucioneve.”

Amant Josifi, këshilltari i ish-ministres së jashtme Olta Xhaçka është arrestuar në Dubai për llogari të autoriteteve spanjolle, për mashtrime me Call Centre.

Fillimisht autoritetet spanjolle dërguan një kërkesë Shqipërisë ku kërkohej arrestimi i Josifit, ortak i Olsi Ramës, por ai nuk u kap brenda territorit të Shqipërisë. 

Për të zbuluar lidhjet midis Call Center-ave në Shqipëri dhe faqeve mashtruese të investimeve të “Group”, hetuesit spanjollë kanë analizuar 3 milionë emaile të dërguara nëpërmjet dhjetëra plaformash të ndryshme, ku evidentohet ndërlidhja e platformave ‘call center’ me kompanitë e tjera të lidhura me organizatën kriminale./ CNA

Lajmet e fundit nga