LEXO PA REKLAMA!

SHKARKO APP

App Store
Google Play

Thirrja e Lucës/ Reagon Qendra e Bashkëpunimit Ndërfetar Elbasan: Besimi duhet deklaruar me krenari

18 Shtator 2023, 20:59, Aktualitet CNA

Thirrja e Lucës/ Reagon Qendra e Bashkëpunimit Ndërfetar Elbasan:

Një tjetër reagim ka ardhur pas thirrjes së biznesmenit Gjergj Luca, që në pyetjen e censit për fenë të shkruajnë fjalën shqiptar dhe jo përkatësinë fetare.

Me anë të një deklarate për mediat, Qendra e Bashkëpunimit Ndërfetar Elbasan (QBNFE) kërkon që qytetarët, praktikantë ose jo, të deklarojnë me krenari besimin e tyre fetar.

QBNFE shprehet se besimi fetar dhe kombi janë një binom që shkojnë përherë paralel bashkë.

“Të dashur besimtarë, praktikantë ose jo.

Ka nisur datë 18 shtator 2023, në të gjithë Shqipërinë, Censusi - Regjistrimi i Popullsisë dhe Banesave.  Ky është një proces tepër i rëndësishëm, pasi në të do të deklarohet edhe përkatësia fetare e çdo individi.

Megjithëse kjo pjesë është lënë “deklarim me dëshirë”, Komunitetet fetare i bëjnë thirrje dashamirëse të gjithë besimtarëve, qofshin praktikantë ose jo, të deklarojnë përkatësinë e tyre fetare nën vullnetin e plotë duke iu përgjigjur pyetjes, ‘cila është feja ose besimi që ndjek ose i përket’.

Ju bëjmë thirrje të mos bini pre e mentaliteteve të trashëguara nga sistemi komunist dhe nga disa ateistë të cilët mendojnë se feja e shqiptarit është "shqiptaria".

Besimi fetar dhe kombi janë një binom që shkojnë përherë paralel bashkë!

Deklarojeni me krenari besimin tuaj dhe sigurohuni që regjistruesi ta hedhë saktë në tabelën elektronike, ashtu siç ju e deklaroni.

Thirrja nuk është për numra, është për krenari e dinjitet të besimit të secilit!”, thuhet në deklaratën e Qendrës së Bashkëpunimit Ndërfetar Elbasan./ CNA

Lajmet e fundit nga