LEXO PA REKLAMA!

SHKARKO APP

App Store
Google Play

Foto - Inceneratori i Elbasanit nuk përpunon mbetjet/ Plehrat marrin formën e Malit të Tomorrit

17 Korrik 2023, 13:25, Denoncim CNA
Foto - Inceneratori i Elbasanit nuk përpunon mbetjet/ Plehrat marrin
Plehrat e grumbulluara në Elbasan

Një tjetër denoncim është bërë ditën e sotme për inceneratorin e Elbasanit.

Gazetari Artan Hoxha ka publikuar disa foto nga stoku i plehrave, të cilat në vend që të përpunohen dhe incenerohen, grumbullohen në ambient të hapur.

Me anë të një statusi në rrjetet sociale, ai deklaron se grumbulli i plehrave dallohet fare qartë nga Belshi dhe Graceni, pasi ka marrë formën e Malit të Tomorrit.

Hoxha paralajmëron se këto plehra mund të digjen nga momenti në moment, ndaj i bën thirrje shërbimit zjarrfikës të Elbasanit të qëndrojë në gatishmëri.

Denoncimi i plotë:

Ndërsa mileti merret me çështjen se, “ku po e kalon vapën Beni”, stoku i plehrave në Elbasan vazhdon të ngrihet sa një mal…

Apo nuk paska marrë edhe formën e Malit të Tomorrit kur e shikon nga Belshi…

Jo për gjë, po na kanë thënë se, Elbasani jo vetëm që ka incenerator, por e ka marrë në dorëzim dhe bashkia…

Deri sa ta zgjidhim këtë punë, “kush është më “plehra” nga ata që vodhën paratë e inceneratorëve për djegien e plehrave”, si do t’ia bëjmë me malin e plehrave në Elbasan, që vetëm rritet dhe rritet???!!!

Ah se harrova!!!

Një apel shërbimit zjarrfikës të Elbasanit.

Qëndroni në gatishmëri.

Nga çasti në çast, nje zjarr i madh mund të përpiqet të zvogëlojë sa të jetë e mundur, malin e plehrave që dallohet nga Graceni….

Foto taze nga vendgrumbullimi i plehrave në Elbasan, i cili po konkuron denjësisht me peizazhin përreth…/ CNA.al

Foto - Inceneratori i Elbasanit nuk përpunon mbetjet/ Plehrat marrin

Lajmet e fundit nga