LEXO PA REKLAMA!

SHKARKO APP

App Store
Google Play

“E fejuara dhe foshnja humbën jetën në aksident”/ Autori shpërthen në lot para gjykatës

31 Janar 2023, 09:43, Kronika CNA

“E fejuara dhe foshnja humbën jetën në aksident”/

Adem Nikeziq, i cili shkaktoi pak ditë më parë një aksident tragjik që i mori jetën të fejuarës së tij shtatzënë, ka dalë dje para gjykatës në SHBA ku është njohur dhe me lajmin tragjik.

I dyshuari Adem Nikeziq, 30 vjeç, shpërtheu në lot teksa u paraqit para gjykatës, pasi avokati i tij dha lajmin se e fejuara e tij shtatëmuajshe shtatzënë dhe foshnja kishin vdekur.

"Askush nuk i tha atij se e fejuara dhe foshnja e tij kishin vdekur," tha avokati i Nikeziqit, Mark Fonte, për "The Post" jashtë gjykatës.

“Ai e mori vesh disa minuta më parë, pak para se të dilte në sallën e gjyqit. Kur i thashë, ai u shpërtheu duke qarë, e ndërsa në fillim nuk e besonte,” shtoi më tej ai.

Nikeziq akuzohet për vrasje nga pakujdesia, sulm me automjet dhe ngarje në gjendje të dehur në aksidentin vdekjeprurës.

E fejuara e tij, 23-vjeçarja Adriana Sylmetaj, ishte në sediljen e pasagjerit kur fuoristrada goditi një barrierë dhe një shtyllë të shtunën, me automjetin që u nda në gjysmë, thanë prokurorët në gjykatë.

"Ajo u gjet në kryqëzim," i tha gjyqtarit Raja Rajeswari ndihmësprokurori i qarkut, Nicholas Agostino.

“Këmba e saj e prerë u gjet 20 metra larg trupit të saj. Fëmija i saj i palindur, i nxjerrë nga trupi i saj, u gjet 20 metra përtej këmbës së saj,” shtoi më tej ai.

Sipas një kallëzimi penal të paraqitur në këtë rast, Nikeziq u tha policëve në vendngjarje se një shofer tjetër ia preu rrugën para përplasjes fatale.

Por prokurorët thanë se Nikeziq po ecte me shpejtësi dhe po kalonte nëpër trafik në bulevardin Hylan rreth orës 4:45 të mëngjesit kur humbi kontrollin e Dodge Challenger të bardhë 2021 dhe e përplasi atë në një pengesë.

Gjykatësi urdhëroi që Nikeziq të mbahej në liri me kusht në shumën 400,000 dollarë në para ose një garanci prej 700,000 dollarësh. Ai do të kthehet në gjykatën e Staten Island të enjten.

Regjistri i çiftit në Buy Buy Baby tha se ata po prisnin lindjen e vajzës më 12 prill.

Lajmet e fundit nga