LEXO PA REKLAMA!

SHKARKO APP

App Store
Google Play

Mirditë, sekuestrohen municion luftarak e 10 kilogramë kanabis të groposura

20 Nëntor 2023, 14:13, Kronika CNA
Mirditë, sekuestrohen municion luftarak e 10 kilogramë kanabis të
Foto ilustruese

Policia e Shtetit ka sekuestruar 10 kilogramë lëndë narkotike canabiss sativa të groposura në një zonë pyjore, një kallashnikov dhe municion luftarak në Mirditë, ndërsa ka arrestuar një 41-vjeçar, i cili kishte fshehur armët.

41-vjeçari i arrestuar kishte fshehur në territorin përreth banesës, kallashnikovin dhe 2 karikatorë me fishekë.

Ndërkohë në vijim të operacionit "Tempulli", në një zonë pyjore, në afërsi të banesës së 2 shtetasve të arrestuar më datë 1 nëntor, për posedim të 4.3 kg cannabis, u gjetën të groposur 10 kg të tjerë të kësaj lënde narkotike.

"Në kuadër të operacionit “Sundimi i ligjit”, u arrestua një 41-vjeçar që kishte fshehur në territorin përreth banesës, kallashnikovin dhe 2 karikatorë me fishekë.
Në vijim të operacionit “Tempulli”, në një zonë pyjore, në afërsi të banesës së 2 shtetasve të arrestuar më datë 1 nëntor, për posedim të 4.3 kg cannabis, u gjetën të groposur 10 kg të tjerë të kësaj lënde narkotike. u arrestua në flagrancë shtetasi Xh. Ç., 41 vjeç, pasi në territorin përreth banesës së këtij shtetasi, në fshatin Simon, Mirditë, u gjetën të fshehura 1 armë zjarri kallashnikov dhe 2 karikatorë me fishekë luftarak, që posedoheshin nga ky shtetas, pa leje" - thuhet në njoftimin e Policisë.

Po ashtu policia ka gjetur dhe sekuestruar 10 kilogramë kanabis sativa gjatë një kontrolli në banesën e dy personave të arrestuar pak ditë më parë. 

"U sekuestruan 10 kilogramë lëndë narkotike cannabis sativa, sasi e cila u gjet e groposur në një sipërfaqe pyjore, në fshatin Simon, Mirditë. Nga hetimet rezultoi se kjo lëndë narkotike iu përkiste shtetasve K. Ç. dhe P. Ç. (kushërinj), të arrestuar nga Policia, me datë 01.11.2023, në kuadër të megaoperacionit “Tempulli”, si bashkëposedues të 4.3 kilogramëve lënde narkotike cannabis sativa, sasi e cila u sekuestrua nga Policia, ditën e zhvillimit të megaoperacionit." - thuhet në njoftimin e policisë./CNA

Lajmet e fundit nga