LEXO PA REKLAMA!

SHKARKO APP

App Store
Google Play

Misteri “Martinaj”/ Klodiana Lala zbardh skemën e policisë, çfarë do të ndodhte nëse Lami zbërthehej

4 Mars 2023, 20:21, Kronika CNA
Misteri “Martinaj”/ Klodiana Lala zbardh skemën e
Ervis Martinaj

Gazetarja Klodiana Lala ka folur për misterin që rrethon fatin e Ervis Martinajt.

Gjatë një interviste për Nisida Tufën, gazetarja ka zbardhur dhe skemën e policisë, e cila sipas saj po mundohet të godasë të gjithë njerëzit e Ervis Martinajt.

Gjithashtu theksoi se nëse Jeton Lami do të zbërthehej, atëherë mund të dilni në dritë fakte që do të çonin në zbardhjen e kësaj ngjarjeje.

“Policia po përpiqet të tregojë që po punon dhe se të nesërmen mund të ketë informacion për fatin e Ervis Martinajt. Zhdukja e mistershme e Ervis Martinajt është ndër ngjarjet më të rënda kriminale dhe më të vështira për t’u hetuar nga policia. Jo vetëm për shkak të pozitës së tij, por ishte një person në kërkim, kishte ndërthurur krimin, politikën e biznesin. Dhe për këtë do të jetë një sfidë e policisë dhe se besoj se është shumë larg të paturit një provë konkrete për të provuar fatin e tij.

Mendoj që nuk është fare pranë zbardhjes sepse do të duhet të provohet nëse Ervis Martinaj e ka inskenuar dhe ta arrestosh, apo është rrëmbyer e vrarë sikurse pretendon familja të gjesh trupin e tij.

Por policia është duke goditur të gjithë njerëzit pranë tij me qëllim që nëse e ka inskenuar të mos ketë mundësi të marrë ndihmë. Sepse nëse ndërpret burimin financiar kushdo person qoftë edhe bosët e organizatave mafioze në botë një moment të caktuar mund të dorëzohen sepse do të duhet të kërkojnë mënyra të reja për t’u fshehur.

Por fakti që nuk ka asnjë lëvizje dhe të dhëna kontradiktore, kur bëhen verifikime nuk ka prova të tjera. Personi që ishte kutia e Pandorës Jeton Lami vendosi të mos fliste. Pranoi që e kishte shoqëruar, tregoi se e njihte 10 vite më parë. E ka takuar rastësisht dhe tha se më kërkoi ta dërgoja deri në Durrës, por nuk di asgjë. E kam kthyer të nesërmen deri në Vorë, por më pas nuk di asgjë. Por kam bindjen se nëse Jeton Lami do zbërthehej do të zbulonte rreth zhdukjes së mistershme të Ervis Martinaj”, ka thënë Lala./ CNA.al

Lajmet e fundit nga