LEXO PA REKLAMA!

SHKARKO APP

App Store
Google Play

Pogradeci “hap dyert”/ “Mokra n'Fest”, vetëm një ditë larg

17 Gusht 2023, 07:35, Kulturë CNA

Pogradeci “hap dyert”/ “Mokra n'Fest”, vetëm

“Mokra n'Fest”, një nga festat tradicionale të qytetit të Pogradecit, po afron.

Për të katërtin vit radhazi, qytetarët e Pogradecit dhe jo vetëm do të mblidhen së bashku dhe do të festojnë me muzikë dhe me ushqime e pije tradicionale.

E kthyer tashmë në një traditë, “Mokra n'Fest” do të mbahet në datat 18 dhe 19 gusht tek Ura e Golikut.

“Mokra n'Fest” njihet si festa e kulaçit dhe e dollisë, e njohur për një histori dhe traditë tepër të veçantë, si dollia me 101 shëndete.

Pjesë e saj janë gatimi i kulaçit, lakrorit, reçelërave, kompostove etj., por ndërkohë nuk do të mungojnë vallet, këngët, lojërat në natyrë. Në këtë festë të organizuar nga Bashkia e Pogradecit, pritet ashtu si vitet e tjera të ketë shëtitje me kuaj.

Mos mungoni për të përjetuar emocione të paharrueshme në një festë tradicionale, ku nuk do të mungojnë prodhimet e zonës./ CNA

Lajmet e fundit nga