LEXO PA REKLAMA!

SHKARKO APP

App Store
Google Play

Florjan Binaj, pjesë e politikës/ Zbulon synimet me lëvizjen e re të Adriatik Lapajt

19 Shtator 2023, 18:30, Politikë CNA
Florjan Binaj, pjesë e politikës/ Zbulon synimet me lëvizjen e re
Florjan Binaj dhe Adriatik Lapaj

Aktori Florjan Binaj është bërë pjesë e politikës dhe është rreshtuar krah Adriatik Lapajt, i cili prezantoi dje zyrtarisht lëvizjen e re “Shqipëria bëhet”.

Binaj tha në një intervistë televizive se lëvizja e Lapajt nuk është parti politike, por një shoqatë, e cila vjen si nevojë e situatës aktuale në vend.

Ai deklaroi se kjo strukturë do të ushtrojë trysni ndaj çdo qeverie, pasi thekson se në politikë kanë mbetur vetëm figura të vjetra, të cilat sipas tij duhet të shkëputen.

“‘Shqipëria bëhet’ nuk është një parti politike, por është një shoqatë, pasi vjen një moment që nuk mjaftojnë as memet, as postimet, madje nuk mjaftojnë as protestat.

Prandaj është krijuar një strukturë më e fuqishme për t’i bërë trysni cilado qoftë qeveria. Edhe ujë po ndenji në një vend nuk është më i pijshëm, jo më të njëjtit njerëz, të njëjtat vendime.

Jemi një grup që po rritemi dita ditës dhe që nuk e sheh Shqipërinë sa hija e vetë, por më të madhe. Është koha ajo që do të tregoj dhe do zbuloj në fund se për çfarë ka nevojë ky vend.

Edhe në Europë partitë e vjetra nuk po pëlqehen më, sepse nuk janë ullinj që sa më i vjetër aq më i mirë, janë njerëz dhe pasi kryhet një cikël duhet të dish të shkëputesh”, theksoi aktori./ CNA

Lajmet e fundit nga