Këshillat/ Si të ruhemi nga viruset respiratore gjatë dimrit

20 Nëntor 2023, 13:10, Sociale CNA

Këshillat/ Si të ruhemi nga viruset respiratore gjatë dimrit

Foto ilustruese

Me dimrin që tashmë ka trokitur në çdo vend, lind edhe nevoja për shtimin e masave parandaluese ndaj viruseve respiratore të cilat pritet që me lëvizjet masive të njerëzve gjatë festave të fundvitit të shtohen edhe më shumë rastet e të sëmurëve. CNN raporton se ka disa mëyra efektive të cilat ekspertët e shëndetësisë i këshillojnë për të lehtësuar problematikat përgjatë gjithë këtij sezoni.

Ekspertët sugjerojnë aplikimin e vaksinës pasi Covid-19 dhe viruset e frymëmarrjes po përhapen ndjeshëm. Dr. Peter Chin-Hong, një specialist i sëmundjeve infektive në Universitetin e Kalifornisë në San Francisko tha se prekja e sipërfaqeve të zakonshme që mund të jenë të kontaminuara dhe ndarja e ajrit me njerëzit e infektuar, rrit mundësinë e infektimit.

"Shumë njerëz do të udhëtojnë me numra rekord për Ditën e Falënderimeve dhe periudhën e festave," tha ai. "Kjo do të thotë se rreziku do të përzihet nga i gjithë vendi." – tha specialist.

Mos e humbni vigjilencën tuaj

Disa amerikanë kanë vazhduar të mbajnë maska edhe në vitin 2023, por shumë e lanë mënjanë praktikën pasi juridiksionet lokale lehtësuan udhëzimet për Covid-19. Megjithatë, Chin-Hong tha se mbajtja e maskës në transportin publik dhe në aeroport është ende një nga gjërat më të mira që mund të bëni për të parandaluar përhapjen e sëmundjes kudo ku ju lëvizni.

Maskimi është gjithashtu i rëndësishëm në zonat me ajrim dhe fluks të kufizuar ajri, siç janë urat e mbytura të avionëve në të cilat qëndrojnë pasagjerët ndërsa presin të hipin në një fluturim. Chin-Hong shton se maskat duhet të vendosen edhe në fluturime, edhe nëse ka ventilim të mirë, si një shtresë e shtuar e mbrojtjes nga njerëzit që kolliten dhe teshtijnë.

Uluni pranë dritareve në rastet kur mblidheni me shumë njerëz

Nëse gjendeni në ambiente me shumë njerëz a takime me miq gjatë festive të fundvitit, mundohuni të uleni pranë dritareve, thotë eksperti. Nëse uleni pranë dritares, kjo do të jetë më pak e rrezikshme që ju të merni një infeksion respirator.

Higjena personale

Larja e duarve është gjithashtu një zakon i mirë për t'u praktikuar gjatë festave, tha Chin-Hong. Nëse sapuni dhe uji nuk janë të disponueshëm, një dezinfektues duarsh me të paktën 60% alkool mund të vrasë shumë mikrobe. Është gjithashtu një rregull i mirë për të shmangur prekjen e syve, hundës dhe gojës për të shmangur përhapjen e mikrobeve.

Vaksinimi i fëmijëve

Eksperti thotë se mjekët duhet t'i japin përparësi dozave të një vaksine të re për të parandaluar viruset respiratore për foshnjat që janë edhe më të cenueshëm.

Në fakt, rreth tre të katërtat e të rriturve në Amerikë thonë se "nuk janë shumë të shqetësuar" ose "aspak të shqetësuar" për marrjen e Covid-19 gjatë festave, sipas një sondazhi të ri nga KFF, dhe dy të tretat thonë se nuk janë të shqetësuar për përhapjen e virusit te njerëzit e afërt./CNA